O Ministerio de Fomento do Estado español ven de aprobar un proxecto que pon en grave perigo a Sagrada Familia (e a Pedrera), a obra cumio do arquitecto catalán Antoni Gaudí, en Barcelona (Cataluña, España). O proxecto en cuestión é a inminente construcción dun túnel para un tren de gran velocidade (AVE -Alta Velocidad Española-) que pasará por debaixo da fachada principal do edificio, a denominada Fachada da Gloria (rúa Mallorca).



Consideramos que dada:
1. A vulnerabilidade e o peso dun edificio tan singular coma este.
2. A natureza inestable do chan sobre o que se asenta a construcción e as correntes subterráneas que o atravesan.
3. As obras do túnel serán moi agresivas e durarán 28 meses.
4. Tendo en conta que o monumento recibe unha media de 7.000 visitas diarias. É unha vergoña que se leve adiante un proxecto semellante, xa que non se toma en consideración o desastre que suporía que se producisen desprendimentos parciais ou ata un derrubamento total do templo, que podería arrastrar tras si moitas mortes e afectaría a un edificio declarado Patrimonio da Humanidade pola UNESCO.

Asi mesmo queremos denunciar que este non é o único edificio de Gaudí afectado polo trazado, xa que a Padrera (ou Casa Milà) tamén se atopa no trazado do túnel. Tamén outros edificios insignes do modernismo catalán, unha singular masía do século XIV, un refuxio da Guerra Civil (1936-1939) e dous xacimentos arqueolóxicos, mais múltiples centos de vivendas de cidadáns preocupados.